মুই চাঙমা
সুনানু ইনজেব চাঙমা
বাংলাদেঝত আঘং বিলি নয় মুই বাঙালি
মুই চাঙমা।
মুই মগ/মারমা।
মুই ত্রিপুরা।
মুই লুসাই।
মুই বোম।
মুই পাংখো।
মুই খুমি।
মুই মুরুং।
মুই তঞ্চঙ্গ্যা।
মুই চাক।
ইত্তুন বেচ দাঙর চিনপচ্যে আমি জুম্ম জাদি
হিল চাদিগাঙর আদিবাসী।
আমি বাংলাদেঝি।
মর আঘে ভাচ।
মর আঘে অঝাপাত।
মর আঘে রিদিসুধোম/সাংস্কৃতি।
মর আঘে আল্যাক/সাহিত্য।
বেক মুই তমা বাঙালত্তুন আলাদা।
ত্যুঅ কিত্তে বারবাঙানে, পিড়িত্তুন পিড়ি কোই যর
বাংলাদেঝত যারা আঘি আমি বেক্কুন বাঙালি?
মুই এলুং তমা সান শাসক জাত,
দেচ এল তমা সান।
সময়র গঙারে ইক্যে মুই রনহীন
সেনে কি তুমি অনসুর বেঙা চোগে চেবা?
রনহীন নয়। রন কাবের মর,
মরও দ’ লো আঘে, আঘে তমা সান
চোক, কান, আহ্’ত’ থেং যা তমার আঘে।
বানা নয় মুই বেজবান, কধা দিনেই কাররে খাজাত ন’ রাঘাং।
মুই চাঙমা।
যেদক দিন থেব’, কেওক্রডং, পরোমোন, আলুটিলা
যেদক দিন গঙেব চেঙে, মিঙিনি, শংখ, ফেনী, মাতামহুরী আ বরগাং,
সেদক দিন থেইম
মুই চাঙমা।