“বহু বছর ধরে আমরা যে রত্নের অভাবে বিশ্বের দরবারে কাঙ্গাল হয়ে আছি, যার অভাবে আমরা আমাদের জাতিকে হারাতে বসেছি,.....................................।”
এ উগুরেদি কধাআন কোইয়ে সুনানু নোয়ারাম চাঙমা ১৯৫৯ সালত। এচ্যে এ্যাত (৬০) বঝর বিদি গেল। ত্যুঅ আমাত্তুন সে এক্কান কধা কোই পরের।
কি সে রত্ন? কি অভাবে আমি আমা জাত্তোরে আহ্’রের? কল, চাঙমা জাদ’ চাঙমা ভাঝর সেবক (রাজা ত্রিদিব রায় কধা মজিম) সানানু নোয়ারাম চাঙমা। হয়দ’ আমি এয’ ন’ বুঝির, বুঝি ন’ পারির। যে রত্ন, যে অভাবর কধা কল’ সিয়ান অহ্’লেদে “অঝাপাত (চাঙমা বর্ণমালা)”।
এচ্যে আমি ঘরে ঘরে শিক্ষিত কোলের। এক্কো এক্কো বাত্তি কোই। আজলে আমি কি শিক্ষিত? আমি কি সত্যি জাদর বাত্তি? এ জোপ তমাদাগিত্তুন পেবার চাং।
যা ওক, মুই সে কধা কবার ন’ চাঙর ইক্যে। মুই যে কধা কবার চাঙর, যে বন্দাবো গোদা জীংকানিয়ান চাঙমা ভাচ্ছান উজন্দি গরিবার নাঙে, ঘরে ঘরে আ পিত্তিমিত ছিদি দিবার নাঙে ঘর-সংসারর নানান অভাব অনটনর সেরে সেরে অভাব অনটন ন’ কোই নিআলচি গরি কাম গরি যিয়ে, তারাদাঘিরে আমি কি কন জনে ইধোত তুল্লেই? না, এয’ তারে ইধোত তুলনা ন’ অয়, যা খবর পাং।
এ দ’ এযেত্তে ৮ নভেম্বর তার ৪৩ বঝর’ বঝরি অদ’ যার। এ মআহ্’ন বন্দাবোরে এদক বঝর পরে চাঙমা সাহিত্য বাহ্ ইধোত তুলিবাত্তে উরবোতাতে এক্কান ফাংশান জুগল গচ্ছে শুনা যার। ইয়ান খামাক্কাই এক্কান পাত্তুরুতুরু পেবার কাম। এ কামান উবে পারা গেলে আঝা গরি নুয়ো পিড়িউনে সুনানু নুয়োরাম চাঙমা পোইদ্যানে এক্কা অলেও খবর পেবাক। কন্না সে সুনানু নোয়ারাম চাঙমা।