বুদ্ধ এক্কান কধা মর ভারি গরি ঈধোত উদে, বারবাঙানে বুঝি পারঙর-
“জ্ঞাতি ছাবাসান দাঙর ছাবা নেই” ।
এই মেহ্ত বুঝি পারে বেচ গরি যক্যে সমাজ’ কাম গরা অহ্’য়।
এচ্যে বেন্যা কুয়োত তলে তলে দাঙর এক্কান মনবল্লোই খাগাড়াছড়ি পৈনাঙি এমপি (৩০৯ মহিলা আসন- ৯) সুনানু বাসন্তী দি মক্যে লর দিলুং, যুনি ফোনে সংযোগ পা ন’ অহ্’য়। উদিচ বানা সিধু নয়, সিত্তুন মালছড়ি যেম এধক্যে এক্কান আঝা এল’।
আঝা মজিম তোষীসমুত্ত বাসন্তী দি কায় যেলং। তারে ঘরত লাগত পেনেই মনান ভারি গরি দাঙর অই উদিল। লোবিয়ত খেই, কাম উবে পারি আর মালছড়ি মক্যে লর দিলং। সিধু বাজ্জে আঘে টুটুল দেবানদাঘি। মালছড়ি উপজেলা মাধুজুদলোই কামান উবে পারি ঘর মক্যে লর দিলং।
এত্থে শতরুপাদি ঘরত উদি সে কামরও ওলেই এলং। সেনে তারাদাঘিরে বারবাঙানে ঝু ঝু আ ভালেদি জানাঙর।
অথচ, ডিসেম্বর ২০১৯ খ্রি. খাগাড়াছড়ি আর’ এক এমপি ইধু যেনেই জগার খেলং। তারায়্য ঝু ঝু গজাঙর। সিয়ানও আমা পাওত্তি।
সেনে দাগে আর’ কোইয়ে- “দিন্নো যায় কধান থায়”।