তমা কি কবাল পুরের পত্তিক বঝর তেঙা খরচ গরি ইয়ানি গর? মানচ্যা গরনদ্যা দ’ তারা সরকারত্তুন এক্কো বাজেট থায়। আ তুমি এধক জার খেইয় খেইয় কি মর?
কধায়ান মর নয়, এক্কো বুড় মানচ্যা কয়। তার পুজোর, তুমি কয় তেঙা গরি বেতন পঅ?
মাত্তর! মা-ভাচ্ছান বাজেবাত্তে এক ঝাঁক কাম্মো কাম গরি যাদন।
উদোত, তুদত পানি নেই , রোদত পুরি, ঝরে ভিজি কালাসোদা মু অই তুই আহ্’দদন তারা পিচ্ছে ফিরি ন’ চেই রিনি।
কনে কি কব’ তারার কন’ চোক নেই, নেই কান। বানা আহ্’দ দন যে আহ্’দদন।
তারার আঝা, এক দিন পুগ’ মোন’ মাধাত রাঙা বেলান উদিব, পহ্’র অব, পেইগে ঘুমত্তুন জাগি কিজিখাজাক গরিবাক। থুপ থু ফুল ফুদি চেরো কিত্তে তুম্বাচ ছিদিবাক।