সংজোয়ার
Injeb Changma, 8 অক্টোবর, 2017
এধক্যে দেচ্ আ-র কুধু পেবং আমা মুরহ্ দেচ্,
মুরহ্-মুড়িহ্ ছরাহ্-ছরিহ্ গম লাগেদে বেচ্।
কধক ছরাহ্ কধক মুরহ্ কধক গম পানি,
ছাবাই ছাবাই রিপ রিপ অয়্যা গম লাগেদে ঘরানি।
চের কিত্তে তারুম বন নানাঙ ফুল ফুদি থান,
ফুলত পুরি ভমরাউন মুধু চুজি খান।
তারা পহরত চান পহর ঘুমত পরিহ যেই,
বেন্যা অহলে পেইগ গীদে ঘুমত্তুন জাগি যেই।
তনচঙ্গ্য, খেয়াং, লুসাই, মরুং, কুমি-বনযোগী,
দচ ভাচ্ তেরোবো জাদি এই জাগানত আগি।
পাংখু, চাকসহ তিবিরে, চাঙমা;
মারমাসহ দচ্চান ভাচ এগারবো আমার মা।
এগারবো মা’র পুঅ-ছা আমি বেক্কুন আমি ভেই,
দেচ্চান আমার ভাজি যার বেক্কুনে উজে যেই।
নদরেবং মিশিনগান ন দরেবং রাইফেল,
জুম্ম জাদরমান আমার দেচ্চান ভাজি গেল।
ন দরেবং এবার আমি সং গরি উজেই,
বিজগত পাদাত লেঘা থেবং যুনিয়্য মরি যেই।