মা ভাচ কত্তমান সাতকাম/গুরুত্ব ভাবন বিদেঝিউন:
গেল্লে ২০১৭ সালত চীনর প্রেসিডেন্ট শি চিন পিং বাংলাদেঝত বেড়েবাত্যা এল’। তে ইংরেজি ন’ পারে সিয়ান ভাবিবার জু নেই। মাত্তর তেহ্, চীন ভাচ বাদে অন্য কন ভাচ্চোই কধা ন’ কয়।
আমি কি সালেন ন’ পারি , আমা ভাচ্চান লারচার গরি?
যুনি সত্যি দেচ প্রেত্যা, জাত প্রেত্যা বা নিজরে কোচ পেই খামাক্কাই পারিবং।
দেঘা যায়, জার্মানি বা ফরাসিউনও তারা দেঝত বোম মারিলেও বা সে দেঝর নাগরিগ’ উগুরে বোম মারিলেও তারা মুয়োত্তুন ইংরেজি ন’ নিগিলে। অথচ, উচ্চ শিক্ষিত জার্মান আ ফরাসিউনে খুব দোলে ইংরেজি পারন।
মাত্তর তারা জাত, দেচ প্রেমত্যাই ইংরেজি ন’ কন। আমি মাত্তর, সেধক্যে এয অই ন’ পারি। বাংলালোই এধক সদর অলং, ঘঞ্জি-মঞ্জি অলং বাংলা ন’ কলে আমা পেদ ভাত ক্ষয় ন’ যান।
যা ওক, ইত্তুন কাদে উদদে বেচ সময় ন’ লাগিব। নুয়ো পিড়িউন জাগি উদদন। ইয়ান মর বিচ্ছেচ।