১০ নভেম্বর পোইদ্যানে:
ঈমে
সুনানু ইনজেব চাঙমা
ও নাদিনলক! দেবাবো চোক চোক কালা পুগে উত্তুরে
ঘরত এয’ ঘরত এয’ ন’ দ-র’নে-ই! বাবর লাগত ন’ প’এয?
ও আজু , এচ্যে তেহ্ বল পিয়ে লাগের, গম লাগের মনত
ঝর এযোক, বোইয়ের এযোক বোক আর’ ভুজোল
যদক্কন ন’ উদিব পির, ন’ ফিরিবং আমি ঘরত।
জীবনান বাজি থেলে কদক আর খারা খেলে পারিবা
পুগে উত্তুরেদি রিনি চ’ ধুমো উড়ের মাদিত ফেল্লে কালা।
দেঘিনেই মরদ’ কাবে পেদ তিলোই আন্ধার অই এযের সংসারান
ইক্যে এভ’ ঝর-বোইয়ের আয় থাক্কে এয’ ঘরত ন’ খেলেয়্য আর খারা।
ও আজু, ইরবান দে ফিবেক কাবা দর গরি সমে থাগ’ তুমি ঘরত
জীঙকানি যুনি দিয়্যা পরে দিবং আমি এ খারাত।
যদ’ দরায় তত লরাই মামা কয় বার বার
এ খারা ওদি গেলে এধক্যে দোল দেচ ন’ পেবং আর।
সুগর আঝায় বাহ্ বানিলং রাঙামাত্যাত ধাবা খেই চাদিগাঙত্তুন
কাপ্তে গধা বানি আঝা সবনর ভুদি ধুবে দিল চিদ’ মনত্তুন।
বানা পরানানিলোই উদি এলং ছিদি পরলং কোণা-কুণি সেরে
সিয়ানিয়্য চোগশাল তারার কারি নেযাদন বলে বলে।
সেনে, ফিরি ন’ এবং আমি ঘরত কন’ দিন পির ন’ দিলে।
ফিবেক - বাড়িতে জাম দেওয়া।
ঈমে - প্রতিজ্ঞা।
ইরবান - শক্ত বাঁধা।
পির - জয় ।
পির দেনা – জয় অনা।