মা ভাঝর থিদব্বরিত্যাই লারেহ্’ই গরাহ্ পরে তারার, যারা সে দেঝর মানুচ কম। মাত্তর, দেঘা যিয়ে পাকিস্তানর বাঙালউনে জনসংখ্যা বেচ অহ্’লেও ক্ষমতাদি তারা কম থানার ভাঝর লারেহ্’ই গরি পিয়োন।
ইক্যে বাংলাদেঝর বাঙালউনে বেক কিত্তেদি বেচ। সেত্যাই মা-ভাচ নিনেই লারেহ্’ই গরাহ্ পরের আমার, চিগোন চিগোন জাত্তোনর।
এদাভিদিরে কিঝু ভাচ আহ্’ঝি যিয়্যা। আ যিয়ানি আঘে সিয়ানি বাজি থেব’ না ন’ থেব’ সিয়ান ভর দে সরকারর এজাল, রাজনীদি গরিয়্যাউনর এজাল আ আমা ঈমে/অঙ্গীকার উগুরে।