১৯৭৪ সালত ১৭ সেপ্টেম্বর বাংলাদেচ জাতি সংঘর সাবাঙ্গি পদ পিয়ে। পিত্তিমি বুগত বাংলাদেচ সাধিন সত্তা ধিঙিরি পিয়ে। এক সাপ্তা পর মহামত্ত/প্রধানমন্ত্রী বঙ্গবন্ধু শেখ মুজিবুর রহমান জাতি সংঘ সাধারণ পরিষদত ভাষণ দিয়্যা। তে, তারা ভাষণ দিয়্যা বাংলা ভাঝদি। ইয়ান জাদর জীংকানিত এক্কান ইধোত গাদে রাঘেবার নিঝানা। নুয়ো দেচ বানানা আ মহামত্ত/প্রধানমন্ত্রী ইজেবে পিত্তিমি দরবারত ইধু মা-ভাচ লারচার গরানা এক্কান দাঙর ভালেদি কামত আহ্’দানা অহ্’য়ে।
এ নয় যে, ইয়োত বানা বঙ্গ বন্ধু অবদান আঘে। ইয়োত কবি, সাহিত্যিকউনরও দাঙর অবদান আঘে বাংলা ভাচ্ছান ভালেদি অনার পোইদ্যানে। তারার এজালে বাংলা র’ভাল্ডাল ভালেদিত্তুন ভালেদি অয়ে।
মাত্তর! আহ্’ভিল্যাচ ইয়োত, এধক জু পানার পর আমি আমা ভাচ লারচার ন’ গরি, ন’ গরির। জু আর কদক পেদং? ব্রিটিশ আমল, পাকিস্তান আমল আ বাংলাদেচ আমল জু পেলং, পের।
এ অক্তত যুনি নিজ’ মা-ভাচ্চান সাতকাম মনে ন’ গরি সালেন চাঙমা জাত ইজেবে এ পিত্তিমিত্তুন আহ্’ঝি যেবং কন’ এক অক্তত।
দাগে কোইয়ে- “নিজ’ ভাচ, নিজ’ লেঘা, নিজ’ গীত-
ন’ জানিলে ন’ থায় চিত”
সং সং চাঙমা অনে চাঙমার বিরুদ্ধে এচ্যে লামার পরের রাজপাদত। তার উদাহরণ এ পূর্ণিমা চাঙমা। আমাত্তুন চিত থেদ’ পূর্ণিমা চাঙমা এধক্যে ন’ ওলুং। এদক্যে উদাহরণ বহুত আঘে। ইত্তুন আমার শিক্ষে লনা উচিত আঘে।
তে এয’ নিজ’ ভাচ, ওক্কোর, সাহিত্য - সংস্কৃতি চচযা গরি, চাঙমা জাদর মান থিদ’ গরি পিত্তিমিত।
সভি: হিলর পজ্জন পেজত্তুন।