ভারদত আসাম চাঙমা কেঝান আঘন?

তা আগে কোই যায় চাঙমাউন এক কালে রাজা এলং। এল’ দেচ। যুদ্ধ গরি গরি স-সাগর দেচ জয় গচ্ছেই। চাঙমা জাদর কধা কলে একদিন হুয়োং গুজুরিদ’, মাদিত ভুজোল ভেদ’। সে চাঙমা জাতে ইক্যে অহ্’বা-অহ্’বা, কবা কবা অই যিয়োত মনে কর সিয়োত ধাবে দেদন।

ইরুক যুগত পিত্তিমিয়ান এক্কান আদাম। উরবোতাতে নালে ততঅক্তত বেক খবর পা যায়। দেঘা যায় গোদা পিত্তিমিত ১০ লাখ চাঙমা আঘি, আমেরিকা ওয়াশিংটন ডিসি সুমুত্ত। দেঝর ভিদিরে-বারে চাঙমাউন সুনাম চোগত বাজে পারা।

এ অক্তত আমি জধা অই ন’ পারিলে হয়দ’ এ পিত্তিমিত্তুন চাঙমা নাঙে মাজারা ন’ থেব’। সেনে ইক্যে আমার ভাবিবার অক্ত। কন’ দেঝত গম নেই চাঙমাউন। এধক্যে গরি পিত্তিমিত থিদ’ অই পারা ন’ যায়। জধা অই দেঝে দেঝে লাড়েই গরা পরিব, সুওল গরা পরিব। যারা বেন্যা - বেল্যঅ ঈদে পাদা এক্কা ফেলে পাত্তন তারাত্তুন এ সুধোমান মানি চলা পরিব- “সাত দিন্নে উপস্যারে তিন দিন্নে উপস্যা তোড়ায়।”

বেগত্তুন বেচ যিয়ান গরচ অই পচ্ছে শিক্খে। যে কন’ পোইদ্যানে আমাত্তুন শিঘিবার আওচ তুলি দিয়্যা পরিব। যে কন’ কামত ঝাক ঝাক কাবিদ্যাঙ বানা পরিব।

এধক্যে গরি চলি ফিরি পারিলে চাঙমা জাত্তোরে পিত্তিমিত কন’ শক্তি ন’ থেব’ সাধেই ফেলেবার।

https://fb.watch/9oawTQadrk/