ইস্তেগফার কারীদের
আল্লাহ
আযাব দেন না।
(সূরাঃ আনফাল ৩৩)

১০ নভেম্বর পোইদ্যানে এক্কো চিগোন কিত্তে-
ঈমে
সুনানু ইনজেব চাঙমা
বঝর ঘুরি বঝর এযে। রিত ঘুরি রিত এযে। বদলি যায় পিত্তিমি। এক অক্ত গাঝ পাদা জুরি যেই দাঙদাঙ্যে অহ্’য় মোন-মুড়, শুগে যায় ছড়া-ছড়ি। আ এক অক্ত কুজি কোরোত উদি এ্যাইলে সাজি ফুলে ফাগোরে ভরি উদে পিত্তিমি। অয়, ছড়া-ছুড়ি থেপথপ্যা। গাঝে গাঝে ফুল ফুদন। সে ফুলর তম্বাচ পিরিব পিবির বোইয়েরে ছিদি পরে গোদা পিত্তিমিত কোণ-কুণিত। ফুল’ ফাগোর নালে বেই যায় গাঙ লামুনি।
মাত্তর, বদলি ন’ যায় রানজুনির কবাল। বচ ৪০ কায়-কুয়। ঘরত ভেইয়ে কন, কমলে বৌ যেবে? পর ঘরত কয়দিন থায়। মা-বাবে অনসুর চিদে বুগত বানি থান কেনে বৌ দিবাক। মাত্তর, বৌ চাউয়্যা নেই! কেনে বৌ দেনা। বেন্যা, বেল্যা, দিবজ্যা বানা এক্কান কধা শুনদে শুনদে তার পেয়াত্যা অহ্’ল। কধক শুনি পারে এক্কান কধা। ত্যুঅ শুনি থায়, শুন’ পরে।
মাত্তর, শুনিবার ন’ চান তার সবনর কধা, বুঝিবার ন’ চান তার বুগর গরেঙর মন’ কধা। তে বাজ্জে আঘে তারে, যার লোই চিগন কালত্তুন ধুরি এক সমারে লেঘা পড়া শিঘিলাক। কলেজত গেলাক। ইক্যে তে জনম ভূমি উদ্দোর গরিবার লাড়েয়ত। তারার কধা দি দিয় গচ্ছোন- লাড়েয়োত্তুন ফিরি এলে জধন বানিবাক। সে আঝায় তিগুচ্যা দিন গণে রানজুনি।
এক দিনে দিবুজ্যা মাধান বোই আঘে তারা ঘর’ উদোনত এক্কো কাত্তোল গাঝ’ তলে। বই এক্কো আহ্’দত। বইবো নাঙান “জুম্ম সংবাদ বুলেটিন”। পত্তিক পয়ধে লাড়েই তা লাঙ রানজুনিরে পাদায়। কয়েক দিন পর ১০ নভেম্বর। জুম্ম জাদর দুগর মাস। রানজুনি ভাবের তা পরান দা তারে এক্কো আর বই পাদেব। হয়দ’ ছুটি পেব ১০ নভেম্বর পরে। নানাঙ কধা তার কুচি কজমা বুগত তুবোল উদি অজল অজল সবন দেঘি অনসুর খুজি থায়। যুনিয়্য ঘরত্তুন তিগুচ্যা তচ্যা খায়।
এ ধক্যে গরি ভাবদে ভাবদে গণ লাইনর এক্কো মানুচ এযের। তা আহ্’দত চিদি। এক্কান রানজুনি আর এক্কান আদাম’ কারবচ্যার। চিদিয়ান দেরি ন’ গরি খুলি চেল’ এক্কো ব’ নিঝেত ইরি দিনেই।
আওজোর,
চিজি রানজুনি, বুগত্তুন ছাগি তুল্যা অতালিয়ে কোচপানা জানাঙর। আঝা গরং বেক্কুন গাউলি গম আঘ’। মুইয়্য তর অতালিয়ে কোচপানা বলে খুব গম আঘং।
পোইদ্যানে এ, মুই কয়েক দিন পর এযঙর তমা মোন তলা আদামত। আমা মহান পার্টি রভা/সিদ্ধান্ত লোইয়ে আদামে আদামে ১০ই নভেম্বর পালানা। মর সু ভাগ্য তমা আদামত পচ্চোং। আঝা গরং দ্বিজনে মহান নেতারে ফুল দি পারিবং। জুন পহ্’রত ইজোর মাধাত বোই কধা নানান গবে সবে রেত কাদে দি পারিবং।
কি আর লিঘিম। কিজেখিজ্যা গরি লেঘিলুং। মুই এক্কান কামত্যাই দক্ষিণ অঞ্চলত যেই পাঙর। ২/৩দিন পর ফিরি এইম। যেন দোলে ফিরি পারং এ ভালেদি তবনা গরি দিচ ভগবান বুদ্ধত্তুন।
আ গম থেইচ, গম থেইবার চেইচ।
থুমেদি
ত’ পরান দা
লাড়েই।
রানজুনি চিদিয়ান বার বার পড়ে আ চিদিয়ানত ভাজি উদে লাড়েয়র সভি। মনে মনে তবনা গরে, পরান দা, তুই চিদে ন’ গরিচ। মুই ত’ ছাবা অই অনসুর আঘং। তরে কন’ জনে কিচ্ছু গরি ন’ পারিবাক। মুই যেদক দিন বাজি থেইম তর অই বাজি থেইম, তর ছাবা অই। কন’ শত্রু যুনি গুলি গরন মুই বুক্কো পাদি দিম। তুই নিচিদে গরি যা আ অক্তমজিম ফিরি এইচ ম’ বুগত।
এ অক্তত তা সমাজ্যা নাকশা এক্কান বিজোন আহ্’দত গরি এযের তা মুখ্যে। রানজুনিরে এচ্যে অন্য দিনোত্তুন বেচ খুজি লাগের দেঘি নাকশা কল- কি বোন, কন’ সু-খবর আঘে নিনা? এচ্যে দ’ ভারি খুজি খুজি পাঙর। বোনই এযের নিনা? রানজুনিলোই নাকশা তারা দ্বি জনে সং পত্তাক। পরানে পরানে সমাজ্যা। মন’ দিঘোল কধা দ্বি জনে কোই কি গরন।
রানজুনি খুজিয়ান রাঘে ন’ পারের। নাশকা মাদেনেই রানজুনির আর বেচ মনর ফিত্তিত খুজি তুবোল উদি গেল। চিদিয়ান নেগেলে দিনেই কল- ওদে বোন। কাক্কন আগেদি গণলাইন মানুচ্চো এক্কান চিদি আনি দিল। এ বার ১০ নভেম্বর আমা আদামত পালেবাক। সে কামানত ত’ বোনই কাবিদ্যাঙি গরিব। চিদিয়ানত সে কধা লেঘিল।
নাকশা আর’ এক্কা পেজাং বারে কল- বোন, কি কন’ মেলা খাবেবে নিনা? রানজুনি তারা তাঙুরি কল’- দেঘা যোক। দিন মাধানর উগুরি এক্কান অভ আয়। নাশকা পুজোর গরে- কি দিন মাধান? ন’ বুঝঙর।
: ত’ বোনই, হিল চাদিগাঙ সাধিন গরি ন’ পারিলে মোক ন’ লয়। বাংলা সরকালোই আ জুম্ম জাদর যে ভেজাল বাজ্জে সিয়ান সিরকাবা গরিবার চায় বাংলা সরকারে। কধা বুনবুনি অলে এ বঝর হয়দ’ আমারে অধিগার দি পারে। বেগর মুয়ে মুয়ে অহ্’য়ে এ কধা। রানজুনি কধা সুর আহ্দে নাকশা কল: অদ’ দ’ দোল ওলুন। কদক আ মশা-পুগি কামর খেই খেই ঝারত থেবাক। আমিও কদক দরদরতরতর গরি দিন কাল তোরেদং। কুগুরে বুগিলে পরান চিকুত চিকুত গরে। আ বেগত্তুন দাঙর কধা আমা বেবে মেলা খেই পেবং। এক্কো দাঙর আহ্’জি দিল।
তারা কধা কধে কধে যুব সমিতি কাবিদ্যাঙ্যা তারা মুজুঙত লুমিল। সক্যে বেলান পজিম মোন হেলান দের। কত্তা কত্তা ধুপ ধুপ মেঘ কাক্যে সেরে সেরে পেইক্কুন যা ঘরত তে ফিরদন। গরু চারান্যাউনে উভ গীত গেই গেই গরুউন বামত্তুন আনদন। তা নাঙান তারেং। তারেঙে তারারে ঝু ঝু জানেনেই কল- কেঝান আঘ?
রানজুনি – ঝু ঝু দা, গম আঘি।
রানজুনি কিত্তে চেই কল: সাজন্যা অক্তত কারবাচ্যা ঘরত বেক্কুন এগত্তর অবং। তেম্মাং আঘে। এ বঝর ১০ নভেম্বর পালেবং কারবাচ্যা কর। সেনে আদাম বেক গাভুজ্যা – গাবুরিদাঘিলোই কারবাচ্যা তেম্মাঙত বোইবার চার। তুমিও যারে লাগত প’ তারে সে কধা কোই দিনেই মরে এজাল দি পেবা।
তারাতাঙুরি রানজুনি কল’ ইয়ান দ’ আমা কাম দা আ কি এজাল আর। আমি আমা ইন্দি ইউন কোই দিবং। তুই দগিন কোণা সিন্দি ইউন কোই পারচ দা। ইন্দি ইয়ান চিদে ন’ গরিচ। আচ্ছা, সালেন মুই দগিন কোণাত যাঙর। থাগ’, কোই নেই তারারে ঝু জানেই লর দিল।
সাজন্যা বেক গাভুজ্যা-গাবুরি এগত্তর অলাক। তেম্মাং ফাং গরিল কারবাচ্যা। বেক্কুনরে ঝু ঝু জানেই কধা মিলি ধরিল।
নভেম্বর জুম্ম জাদর দুগর মাচ। ১৯৮৩ সালত চের কুচক্রি গিরি-প্রকাশ-দেবেন-পলাশদাঘি জুম্ম জাদর পাত্তলি মানবেন্দ্র নারায়ন লারমারে গুলি গরি মারে ফেল্লোন। সে দিন এল ১০ নভেম্বর ১৯৮৩ সাল। সেনে এ নভেম্বর মাচ্চো আমার দুগর মাচ। এ বঝর ১০ নভেম্বর পালানা অভ। ভালক বঝর অহ্’ল পালে ন’ পারির।
বেক্কুনে পালানা পক্কে মত দিলাক।
[ধারাদিঘলী চলিব]

https://www.kishoralo.com/%E0%....A6%B9%E0%A6%BE%E0%A6

 

www.kishoralo.com

হাসি মাপার যন্ত্র ও ফর্মুলা অব লাফটার | কিশোর আলো

দুনিয়ার সবকিছু মাপা গেলে হাসি কেন মাপা যাবে না? জাপানের কানসাই বিশ্ববিদ্যালয়ের গবেষকেরা এমনই এক যন্ত্র তৈরি করেছেন, যার মাধ্যমে হাসি মাপা যায়। মানব শরীরে বসানো কয়েকটি সেন্সরের মাধ্যমে যন্ত্রটি হাসির পরিমাপ করে।

মধ্য যুগে হিন্দু ধর্মে নারীরা ঘরের বাইরে যেতে পারত না। শিক্ষা প্রতিষ্ঠান তাে
দূরে থাক, তারা কোন বিবাহ-শাদী কিংবা কোন ভােজ অনুষ্ঠানেও যেতে পারত
! মধ্য যুগে নারীদের আরাে একটি নির্যাতনের কথা জানা যায় তা হচ্ছে, বহু বিবাহ।
কুলিন বিবাহ। যার যত ইচ্ছা সে তত বিবাহ করতে পারবে । সেকারণ একজন পুরুষের অনেক স্ত্রী ছিল।
https://islamibarta24.com/%e0%....a6%ae%e0%a6%a7%e0%a7

 

islamibarta24.com

মধ্য যুগে নারী নির্যাতন বনাম হিন্দু ধর্মে নারী নির্যাতন -

মধ্য যুগে নারী নির্যাতন বনাম হিন্দু ধর্মে নারী নির্যাতন