Welcome My official Linkeei Page Linkeei Official

https://www.bigganchinta.com/p....hysics/blackhole-inf

কালা মেক
“ন’ চাঙ যেবার জাগান ছারি ইধু আঘং জনমান গরি........।” চাঙমা জাদর চাঙমা গানর বাজি থিয়ে বিজক, সুনানু রনজিৎ দেবানর এ গান্নো কিত্যাই গিয়্যা মুই মনে মনে আমল গরি ভাবং ইরুক দিনর দিন মাধান ভাবিনেই। ভাবং, সে অক্তত কধক সুগে এলাক, এলাক জধাবল। ন’ এল কন রাত/অভাব। ন’ এল চিদে’চর্চা। রেত-বেল্যা নিপরভা গরি ঘুরিহ্ পারিদাক আদাম দিঘোলী। নিচিন্দে, দুওর খুউলি ঘুম যেদাক নাক দগরে দগরে। মোন-মুর’উন এলাক বলা - এ্যাইল। ছরা’ছরি এল ঝলপল্যা - মাছ, কাঙারা ঝালাব্বর। বেল ধুবিলে, সাচ লামিলে পোতপোত্যা জুন পহ্’র ফুদিলে মোন আদামত চিঙে, খেংগরং আ ধুদুক্ র’য়ে ভরি উদি দ’। গাবুয্যা-গাবুরীর আজিয়ে গুজুরী উদি’দ হুয়োঙ। সে আলুল্লো-দুলুল্লো, দিয়োন-সিয়োন, সাত নাল সুদলোই বেরেয়্যা সুগর কধা রিঝেঙর ছরা পানি নালে চর চর গরি বেই যেই বর গাঙর মিজি যায়। পেইখ কিজিক-খাজাকর ঘুম ভাঙি যেদ’ মুরুল্যা দেঝর (হিল্’চাদেগাঙ) মানেইউনর। মনর সুগে, চিদর সুগে, আজি-রঙে, উচ্য’পুচ্য কামত যেদাক।
অভাব অনটন ন’থানার সমাচ এল পহ্ন-ঝাঙঝাঙ্যা। কন জনে বেনালত থেলে বেগে উজে এ উদ্দোর গরন। হিংসে-পিজুম্ ন’থানার বিচের আচার নেই কলে চুয়াই। আদামর কার্ব্বায্যা কধায় চলিদাক্। এক আরি জুম কাবিলে গোদা বঝর ঝালাব্বর গরি দিন তোরে দিদাক। কারর তচ্যা-পেরাচার নেই। এ্যাইল এ্যাইল তারুবন। যিন্দি চোক যায় এক রিনি চেবার মনে অয়। পিবির পিবির বোইরে ধান পাগানা তুম্বাজে চিত জুরেই যায়, যায় মন গুলি। এ্যাইল এ্যাইল আগজত ধুপ ধুপ মেঘচাগা দূর আগাজত কত্তা কত্তা গরি ভাজি যায়; অত্তে অত্তে বুদ্দছবি আ অত্ত এ্যাদো সান দেঘা যায়। এদক্যা দিনত্থুন সুনানু রনজিৎ দেবানে সুর তুলে “ন’ চাঙ যেবার জাগান্ ছারি ইধু আগং জনমান্ গরি........।”
মাত্তর ইক্যে! নেই সেই গানর সুর, এ্যাইল তারুম্’বন অই উদিলাক দাঙদাঙ্যা-তাককুল। নেই সে পেইখ কিজিক খাজাক। মাদি অহ্’ল নাধা। পাধার থিয়্যা জুম কাবিলে ২/৩ মাচ গঙাদে এ্যাত্খাত্ যায়। ছরা’ছরিত্ পানি ন’গঙায়; অল সাঝা। “আয় তুংগোবী ম’লগে কাঙরা ধরা যেই......” সিত্যাই এ গান্নো ন’ গান। ইরবান দিনেই দুয়োর বানা পরে। সমাচ ওই এল কুলুক। পার্বত্য চুক্তি বাস্তবায়ন ন’ অনার দিন্ দিন মুরুল্যা চাগালা মানেইউনর দুগে দুগে দিন গঙাদন। যেই ভূই এল সিয়ানি তারা ভাগত নেই। কারি নিলাক সেটেলার বাঙালুনে। সে থানেথমকে মুরুল্যা মানে’উন ইক্কে নাদংছারা। ঝার তোন-পাত বিজি বিজি জীংকানি তোরাদন। নানাঙ আইন তারারে পাগচ্যা-পরসাল্লো ঘিচ্ছে। বন ভান্তেদাঘির আইন, পার্বত্য ভান্তেদাঘি আইন, জন সংহতি সমিতি আইন, জন সংহতি সমিতি (এম.এন.লারমা) আইন, ইউপিডিএফ’র আইন, গণতান্ত্রীক ইউপিডিএফ আইন, কাব্বার্রী/হেডম্যান/রাজা আইন, জনপ্রতিনিধি আইন, আর্মি আইন আ সরকারী আইনর শিঙোলর বান্যা আঘন। ধর্ম জাদর সংস্কৃতি এক্কান কত্তা/অংশ। এচ্যে এ ধর্ময়ানত ৪/৫ ভাক, রাজনীদিত ৭ ভাক অই নুয়ো পিড়ি দিক কাভুল। ন’পাত্তন মুজুঙে আক্কোই যেই, ন’পাত্তন মুরি। সিত্যাই, দিককাভুল অই মনর দুগে মদ-জুয়ো খারাত মিজি আঘে পুরন-নুঅ পিরিহ্।
ছবি: তিতাস চাঙমা
লেঘিয়্যা: সুনানু ইনজেব চাঙমা
- সেপ্টেম্বর ২৯, ২০৯