Linkeei

4 yrs

চেদন এক্কান দাঙর আহ্’ত্যার
এক্কো গল্পলোই কধুং চাং “চেদন এক্কান দাঙর আহ্’ত্যার। একজন চেদন বলা মানেই পিত্তিমিত এক্কো এক্কো নক্ষত্র। তারার পহ্’রে পিত্তিমিয়ান ঝিমিত ঝিমিত জ¦লের। তারার তেজে এচ্যে পিত্তিমিয়ান বলবলা। তারা বানা মুঝুঙেন্দি আক্কোই যেবার সবন দেঘন, পিচ্চে পরি থেবান ন’ চান। মাত্তর, আমা সমাজত এধক্যে মানেই খুউপ কম।
সেধক্যে এক্কো মানেই পান্নো মা কধা কোই যায়। প্ল্যানিশনত পান্নো বাপ নাঙে এ মানেব’ থেদ’। তে একদিনে জুমচাব বেড়া যিয়্যা, কা ধানান বেচ দোল অয়্যা সে পোইদ্যানে। সোনার রঙর পাগানা ধানানি পিবির পিবির বোইয়েরে নাজে, মোন-মুড় ঝিমিত ঝিমিত জ¦লের সে সোনার রঙর পাগানা ধানর রঙে। তে নাঙেল পিদিত্তুন চেই আঘে। পাগানা ধানর তম্বাজে তা মনান আহ্’ওল-পাওল অই উদিল’।
অক্তমজিম ঘরত ফিরিল’। পান্নোমা নোন্যাশিল কুও জুর’ পানি কুত্তিবো আ দাবাবো বাজেয় আনি দিল’। লারে লারে দাবাবো তানে আ গপ দেও পান্নোবাবে। শিরেবো কাচ্ছোল’। চাইদ্যে শিরেবোত্তুন এক্কো ধান পচ্চে। খুইপ দোল। রূপ রঙর সান। দোলে খুউপ ফিরে ফাগে চেলাক দ্বি জনে। মাত্তর সিনি ন’ পারন। পান্নো বাবে মনে মনে ভাবের জুমত খুজিলে ভারি দোল অভ’। তে, পান্নো মারে ধান্নোরে দোলে সুমরি থোবার কুজোলি গরিল’। পান্নো মা দোলে সুমরি তল’।
https://hillorpochjonblog.blog....spot.com/2022/08/blo