বেন্যা মাধান সারে ন’বো বাজি ঘরত্তুন নিগিলি অফিজত যাং। সেনে মামা পুজোর গরে বেতন কদক পাচ।
মাত্তর! মর কন’ জোপ নেই। বানা ইয়ান ভাবং, একদিন আমি ঘরে ঘরে চাঙমা লেঘালোই লিক্খে বই অহ্’র-ওরে পরিহ্ পারিবং। দোগানে দোগানে থেব’ অঝাপাত্তোই লিক্খে সাইনবোর্ড। পদে ঘাদে লেঘা থেব’ অঝাপাত্তো জাগা নাঙ, লেঘা থেব’ বর পদত মেইল’ থমুনত।
#মার্টিন লুথার কিং জুনিয়র কোইয়ে-
“এ জগতে যা কিছু সম্ভব হয়েছে, সব হয়েছে আশার কারণে।”
#পোপ জন পল কোইয়ে-
“ভয়ের সংগে পরামর্শ করোনা, পরামর্শ করো আশা ও স্বপ্নের সংগে।”
এ কোটেশনানি মরে আঝায় বুক ভরে দে। সেনে বেতন কধা দুরত, ইয়ান আমার কাম, ইয়ান আমাত্তুন গদা জীংকানি সং গরি যা পরিব। মানচ্যা যা ভাবিবাক ভাবোদোক, যা কবার কধোক। এ কামান আমার মন’ খরাবি। ইয়ান্দোই মন’ তিরোচ মরে ভাবিনেই- একদিন আমি অবং পিত্তিমিত দাঙর এক্কো জাত। যে জাদত ন’ থায় কন’ কিচ্ছু রাহ্’ত/অভাব।
সে সমারে ইধোত তুলঙর তারারে, যারা ঘরর সাত কাম ফেলে নোয়ারাম চাঙমা সাহিত্য সংসদ সমারে সাআহ্’রেত অই এক নিমোন গরি কাম গরি যাদন।
