আমি বেগে খবর পেই আমি চাঙমা, সেনে ১৯০৯ সালত সতীশ চন্দ্র ঘোষ লিঘিল’ “চাকমা জাতি” আ ২০২২ সালত নুয়ো গরি সুনানু দেবপ্রিয় চাঙমা লেঘিল’ “চাকমা জাতি, ....... “।
সালেন, মানচ্যা আমারে কিত্তে উপজাতি কোই লালি মারন?
তার একমাত্র কারণ তুই ত’ ভাচ, ত’ ওক্কোর, ত’ গীত, ত’ সাহিত্য -সংস্কৃতিত্তুন দূরত, গধেল গধেল যোজন দূরত। সেনে তরে লালি মারন। আ তুই লক্ষী চিজি ধক শুনি থাচ, শুনি পেবে। সে বাদে তর গরিবার কিচ্ছু নেই।
ও বাপ-ভেই, মা-বোনলক! আমা চাঙমা জাদর কধা কলে একদিন হুয়োং গুজুরিদ’, মাদিত ভুজোল ভেদ’। সে জাদর পুঅ/ঝি ওনেই আমি কিত্তে মানচ্ছোত্তুন লালি মারা খেদং?
সেনে মর কুজোলি তমা সিধু- ইক্কে চাঙমা সাহিত্য বাহ্ দচ আজার ন’শ’ তেতালিচ জন চাঙমা লেঘা শেঘেল। আর শেঘে যার। তুমি যুনি চাঙমা সাহিত্য বাহ্’রে এজাল দি য’ সালেন আমি এযেত্তে পাচ বঝর ভিদিরে ঘরে ঘরে বেগে চাঙমা লেঘা পারিবং।
কি এজাল?
তুমি যার যার চাগালা, আদামত চাঙমা লেঘা শিঘিবার উচ্চোপুক তুলি এগত্তর গরি পারিলে আমি তমাদাঘিরে চাঙমা লেঘা শেঘা এবং। এ এজালান তমাদাঘিত্তুন তুদি গরির।
যেমেন, খাগাড়াছড়ি সদর, পূর্ব পানখাইপাড়া আদামত এযেত্তে ১১ মার্চ ২০২২ চাঙমা লেঘা শেঘা অর। সিয়োত সুনানু সুপা চাঙমাদাঘি ২০-৩০ জন পর্বোয়া এগত্তর অলে আমারে খবর দিলাক।
এধক্যে গরি তুমি সুপা চাঙমাদাঘিসান গরি আমারে এজাল দি পারিলে চাঙমা জাত্তো মুজুঙে আক্কোই যেব’। সক্যে মানচ্যা আমারে উপজাত কোই কোই লালি মারি ন’ পারিবাক।
বেক্কুনরে ঝু ঝু।
বি.দ্র: ট্যাগ দেনা খেমা গচ্ছো।
